منتديات الاصدقاء
مرحبا اهلن استلام لكم في منتديات الاصدقاء نتمنة لكم اجمل الأوقات
.......ارجو التسجيل والدعم معنا في المنتدى تحياتي لكم
...........ادارة المنتدى

منتديات الاصدقاء

نتمنة لكم اجمل الاماني في المنتدى مع تحياتي ادارة المنتدى ترحب بكم اهلان بكم
 
الرئيسيةاليوميةس .و .جبحـثالأعضاءالمجموعاتالتسجيلدخول
منتدى الاصدقاء يرحب بكم ............اهلان وسهلام بكم
ممكن دعم للمنتدى ارجو التسجيل والدعم بلنشر مع تحياتي ادارة المنتدى
ارجو الدعم معنا في تطوير المنتدى وشكران
ارجو الدعم معنا في تطوير المنتدى وشكران
ارجو الدعم معنا في تطوير المنتدى وشكران

شاطر | 
 

 فترة التطبيقي بلمدرسة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سجاد البابلي
Admin
avatar

العراق العراق :
عدد المساهمات : 908
تاريخ التسجيل : 04/06/2014
العمر : 27
الموقع : ali.sjad13@yahoo.com

مُساهمةموضوع: فترة التطبيقي بلمدرسة   الجمعة فبراير 10, 2017 8:57 am

السنه الفاتت بشهر الثاني جانت عدنا فترة تطبيق بالمدارس فرحت اطبق بمدرسة نكدر نكول مدرستي درست بيها سنه المهم ..
حاولت اتواصل ويا المدرسات مال المواد الي نطونياها حتى اعرف مستويات الطلاب وحده ماجانت اداوم والثانيه ماساعدتني باي شي بس كالتلي واصلين لهنا وهاهيه احتاريت فسويتلهم اول اسبوع دخلت اقيس مستوياتهم شفهيا بالضيم ثاني اسبوع قررت اسويلهم كوزات بعد ما احللهم الاسئله واشرحها اكتشفت مستوياتهم سحك حاولت بطرق تقليديه متعدده حتى ارفع مستوياتهم ومافاد شي لان اهمالهم مو طبيعي الطلاب والادارة ماتعاونو كلت خل انطيهم فرصه واشوف الامتحان الشهري بلكي يتحسنون وجان امتحنهم والاسئله جانت متوسطه بس لكيت قسم منهم مجاوبين جواب جيد فكلت معقوله اشو خل اختبرهم اختبرتهم بطريقه غير مباشره واتاكدت هاي الحلول مو حلولهم يعني السالفه بيها غش دخلت ويا صديقتي هم مطبقه وياي راقبت على الامتحان مال مادتها ردت اشوفهم هم يغشون لو لا ركزت ماكو شي بس لاحظت تحركات غريبه ومن اباوع بعيونهم بنظرات اوصللهم بيها شفتكم وغلست اشوف بعيونهم ارتباك وخوف اتاكدت ميه بالميه جاي يغشون وبطريقه مال شياطين

فكرت شلون اكشفهم وشلون احل المشكله خصصت درس من حصصي وكعدت اسولف وياهم شيحبون شيكرهون ومن شنو يخافون لكيت ماشاء الله الاغلبيه عدهم برامج تواصل فيس وتلي واتساب وهالامور طالبات اول متوسط وثاني متوسط وانا شكدي وشكبري تلفوني صرصور وجان ولا برنامج عندي ولا حتى داخله الدررالله اكبر عليكم يا اهلهم .. فكلتلهم انا عندي بس فيس وجذب ماجان عندي فيس بوقتها بس علمود استغل هالشغله وكلتلهم هسه ماحافظه اسم حسابي باجر اكتبه واكللكم بيه .. من رجعت للبيت سويتلي حساب ثاني يوم كتبته الهم على الصبوره وكلتلهم ضيفوني كلكم عندي فد صور وشغلات تفيدكم وهم الي مافاهمه شي بموضوع او اي شي تراسلني وافهمها وجان اضيف الاغلبيه

وجان اسوي امتحان ثاني وخليته اعاده واخذ على الدرجه الاعلى حتى على الاقل الاغلبيه تمتحن مو علمودهم بس هاي خطه حتى اكتشف غشهم كلتلهم راح امتحن الشعبه الثانيه والمطبقه الثانيه توكف عليكم والشعبه الثانيه هم كلتلهم نفس الشي وخليت المطبقات الاثنين الي همه صديقاتي يوكفون عليهم وصيتهن يتركنهم براحتهم بس مايحسسنهم يعني يخففن من الرقابه وانا رحت سويتلي مصيبه المره الي تبيع بالحانوت اعرفها من ايام جنت ادرس بالمدرسه يعني ميانه شوي بينا اتفقت وياها هيه تلبس بوشيه وعبايه كلتلها خاله اريد بوشيه من عندج وانطيني العبايه وجان ماتقصر دبرتلي بوشيه وعبايه ولبستهن واخذت المكناسه ورحت عود انظف وره الصفوف يم الشبابيك حتى شنو اراقب الطالبات ومايخافن مني شكلك هاي الفراشه واذا غشينا وجان اشوف البلاوي ولكيتهن يكتبن على الرحلات ويحطن ورقة الامتحان عليها واكو يكتبن بالمساطر واكو يكتبن بايديهن و.. الخ فرحت رجعت للصف كلت لمطبقه صديقتي اريد تلفونج وبدون محد يدري وفهمتها السالفه ورحت لزمتهم وصورت كلشي وكلتلهن مادام هيج الاسبوع الجاي امتحان والي تغش او ماتجاوب انشر الصور بالفيس وانتن شفتن صفحتي بالفيس شون انشر فضايح الطلاب اكو بجن بس واحد لازم يراوي العين الحمرا ويقسي كلبه انا جذب مانشرهن بس اخوفهن والناشرتهن مسويتهن من يمي .. ثاني يوم انا جان عندي مشروع بحث ودوام بالكليه وما اداوم بالمدرسه فرحت اليوم الي بعده لكيت صديقاتي المطبقات كالن الحكي انتي يمكن راح يسوون وياج عشاير كلتلهم شكو كالو امس اجو اهل الطلاب ويدورون عليج ولعبو لعب بالمديره والمعاون والمديره واستاذ ظاهر يردوج روحيلهم وجان اروح واحجي ويا المديره وفهمتها السالفه والخطه وكلت خوش فرصه حتى اكشف الطلاب وكسلهم واهمالهم كدام اهلهم لان من يدزون على اولياء الامور محد يجي فخوفت الطالبات حتى يرجعن يجيبن اهلهن وجابن اهلهن وفهمتهم السالفه والحمدلله اتفهمو واتفقت وياهم يسكتون ويخلون الموضوع عليه فكلت للبنات مو عبالجن اخاف من اهلجن اجيبلكم الشرطه وضليت اهدد بعد براحتي ماخذه الضوا الاخضر وجان يتفاعلن من الخوف ويتحسن مستواهن شوي شوي ومن امتحنتهم كلهم نجحو بس طالبتين ودرجاتهن قريبه من النجاح وانوب ساعدتهم شوي بدفعه ويطلع سعي الكورس النهائي بدرجات عاليه وزينه وبس وحده راسبه سعيها 18 من 40 والمدرسه مال الماده الاصليه انصدمت من التغير وانا احصل تشكرات من الاهل والمديرة ونطتني درجه كامله على التطبيق

بس الطلاب بالبدايه كرهوني بس بالاخير من خلصت فترة التطبيق بجو عليه ولحد الان يراسلوني ويكلولي انتي مو خلصتي تعالي درسي عدنا عفيه

بس بعد تبت مثل مايكولون مو كل مره تسلم الجره انوب يجوز اهلهم يكتلوني بالطريق خطوه وفكره مامدروسه بشكل كامل وصحيح


خلصت السالفه واسفه على الاطاله ما اعرف اختصر اكثر من هيج
S1
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://2001.2morpg.com
 
فترة التطبيقي بلمدرسة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاصدقاء :: منتديات الاصدقاء :: منتديات قصص الاعضاء-
انتقل الى: